==========================
നിര്‍ഭയേ....നിര്‍ഭയേ..
നിര്‍ഭയേ നീയിനി ഭയപ്പെടേണ്ട..
നീറും വേദനയില്‍ തപിക്ക വേണ്ടാ
നിശയുടെ കരിനാഗങ്ങള്‍ ദംശിക്കയില്ലാ
നിന്നിലിനിയൊന്നും ബാക്കിയില്ലാ
നീതിയുടെ ദേവതയും കണ്ണടച്ചില്ലേ
നിനക്കീ ലോകവും അന്യമായില്ലേ ..
നിന്നുടയാടകള്‍ ചീന്തിയെറിഞ്ഞവര്‍
നിന്‍ ദേഹം കീറിപ്പറിച്ചവര്‍
നിന്നെയൊരു ഭോഗവസ്തുവാക്കിയില്ലേ ..
നിന്‍റെ പ്രാണന്‍ പൊലിയുവോളം
നിന്‍ പേരുപോലും ഒളിപ്പിച്ചവര്‍
നിന്‍റെ വീടിന്‍ മാനം കാത്തില്ലേ
നിര്‍ഭയയെന്നൊരു പുതുനാമം തന്നില്ലേ
നിര്‍ഭയയെന്നൊരു പുതുനാമം തന്നില്ലേ
നിന്‍റെ പേരിലബലകള്‍ക്കായൊരു കേന്ദ്രവും തുടങ്ങിയില്ലേ
നിര്‍ഭയേ.. നിനക്കിനിയുമെന്തുവേണം
നിര്‍ഭയേ.. നീയിനിയുമെന്തിനു ഭയക്കണം
നിയമങ്ങള്‍ പാലിക്കപ്പെടാത്തിടത്തോളം
നീതി കര്‍ശനമാക്കാത്തിടത്തോളം
നീല രാവുകളിലിനിയും വരും
നിനക്കു കൂട്ടായൊരുപാടുപേര്‍
നിന്നെപ്പോലെ ആയുസ്സറ്റവര്‍
നിശിതമായി തച്ചുടക്കപ്പെടുന്നവര്‍
നിലവിലൊരു പേരുപോലുമില്ലാത്തവര്‍
നിസ്സഹായരായ് പീഡിപ്പിക്കപ്പെടുന്നവര്‍
നിശബ്ദരായി ജീവന്‍ വെടിഞ്ഞവര്‍
നിന്‍റെ പേരു ചൊല്ലി വിളിക്കപ്പെടേണ്ടവര്‍
നിര്‍ഭയേ നിനക്കിനിയുമെന്തു വേണം
നിര്‍ഭയേ.. നീയിനിയുമെന്തിനു ഭയക്കണം
നിങ്ങള്‍ ജീവനില്ലാത്തവര്‍
നിര്‍ഭയയെന്ന നാമം ചാര്‍ത്തപ്പെട്ടവര്‍
നിര്‍ഭയേ നീയിനി ഭയപ്പെടേണ്ട....!!
(ദാരുണമായി പീഡിപ്പിക്കപ്പെട്ടു ജീവന്‍ വെടിഞ്ഞ ദല്‍ഹി പെണ്‍കുട്ടിക്ക് നിര്‍ഭയ എന്നൊരു പേരും കൊടുത്ത് ആ പേരില്‍ പെണ്‍കുട്ടികള്‍ക്കായി ഒരു പ്രോജക്ടും തുടങ്ങിയ സര്‍ക്കാരിനു ഞാനിതു സമര്‍പ്പിക്കുന്നു )
നിര്‍ഭയേ.. നിനക്കിനിയുമെന്തുവേണം
നിര്‍ഭയേ.. നീയിനിയുമെന്തിനു ഭയക്കണം
നിയമങ്ങള്‍ പാലിക്കപ്പെടാത്തിടത്തോളം
നീതി കര്‍ശനമാക്കാത്തിടത്തോളം
നീല രാവുകളിലിനിയും വരും
നിനക്കു കൂട്ടായൊരുപാടുപേര്‍
നിന്നെപ്പോലെ ആയുസ്സറ്റവര്‍
നിശിതമായി തച്ചുടക്കപ്പെടുന്നവര്‍
നിലവിലൊരു പേരുപോലുമില്ലാത്തവര്‍
നിസ്സഹായരായ് പീഡിപ്പിക്കപ്പെടുന്നവര്‍
നിശബ്ദരായി ജീവന്‍ വെടിഞ്ഞവര്‍
നിന്‍റെ പേരു ചൊല്ലി വിളിക്കപ്പെടേണ്ടവര്‍
നിര്‍ഭയേ നിനക്കിനിയുമെന്തു വേണം
നിര്‍ഭയേ.. നീയിനിയുമെന്തിനു ഭയക്കണം
നിങ്ങള്‍ ജീവനില്ലാത്തവര്‍
നിര്‍ഭയയെന്ന നാമം ചാര്‍ത്തപ്പെട്ടവര്‍
നിര്‍ഭയേ നീയിനി ഭയപ്പെടേണ്ട....!!
(ദാരുണമായി പീഡിപ്പിക്കപ്പെട്ടു ജീവന്‍ വെടിഞ്ഞ ദല്‍ഹി പെണ്‍കുട്ടിക്ക് നിര്‍ഭയ എന്നൊരു പേരും കൊടുത്ത് ആ പേരില്‍ പെണ്‍കുട്ടികള്‍ക്കായി ഒരു പ്രോജക്ടും തുടങ്ങിയ സര്‍ക്കാരിനു ഞാനിതു സമര്‍പ്പിക്കുന്നു )
No comments:
Post a Comment