Friday 5 April 2013

vellaripraavukal


ഇന്ന് ഞാൻ കണ്ട സ്വപ്നത്തിൽ... ഇല കൊഴിഞ്ഞ മരവും , അതിൽ അഭയം തേടിയ
മരിച്ചവരുടെ ആത്മാക്കളും ആയിരുന്നു . തിളങ്ങുന്ന വെള്ളി നക്ഷത്രം പോലുള്ള
പ്രാവുകളുടെ രൂപത്തിൽ അവർക്കെന്തു ഭംഗിയായിരുന്നെന്നോ ....!
അവർ ഇടയ്ക്കിടെ, എന്റെ ജനാലക്കരുകിൽ വന്നിട്ട് എന്നെ വിളിച്ചു കൊണ്ടിരുന്നു .
ഒടുവിൽ , എന്റെ ഉറക്കം ഞാൻ മറന്നു ,,, സ്വപ്നാടനം പോലെ , ഞാൻ ജനാലക്കരുകിൽ
വന്നു .. ആ മരത്തിലേക്ക് നോക്കി !
അവിടെ ഞാൻ കണ്ടു.... അവൻ മരിക്കും മുന്നേ , എന്നോട് പറഞ്ഞത് പോലെ !
വെള്ളി നക്ഷത്രം പോലുള്ള പ്രാവുകൾ .... ഇവറ്റകൾക്കിടയിൽ അവൻ ഏതെന്നു
എങ്ങനെ തിരിച്ചറിയും എന്നാണു ഞാൻ സംശയിച്ചത് . എന്റെ മനസ്സറിഞ്ഞ പോലെ ,
ഒരു പ്രാവ് മാത്രം എന്നരുകിൽ എത്തി . എന്റെ തോളിൽ വന്നിരുന്നു . അവന്റെ കൊക്കുകൾ
കൊണ്ട് എന്റെ കവിളിൽ ഉരുമ്മി . ഞാൻ ആകെ തരളിതയായി .... ശെരിക്കും അവൻ , എന്നെ ചുംബിക്കുമ്പോൾ തോന്നുന്ന അതേ വികാരം ! ഇപ്പോഴും , അത് സ്വപ്നമോ , യാഥാർത്യമോ ... എന്നെനിക്കു വേർതിരിച്ചറിയാനാവുന്നില്ല . പ്രഭാതത്തിൽ , ഞാൻ ഉണരുമ്പോൾ ... ഇല കൊഴിഞ്ഞ ആ മരം അങ്ങിനെ തന്നെ ... ഒരു മാറ്റവുമില്ലാതെ ....!
അവൻ എന്നോട് പറഞ്ഞ കാര്യങ്ങൾ .... ! മരണശേഷം ... അവൻ അഭിമുഖീകരിച്ച
കണ്ടെത്തിയ കാര്യങ്ങൾ .... എല്ലാം വെറും മിഥ്യയോ ....!?

No comments:

Post a Comment