Thursday 17 October 2013

radhaa madhavam



നിന്‍റെ ഒരു വിളിയില്‍ തീരുന്നു കണ്ണാ ...!
എന്‍ പരിഭവങ്ങള്‍ പരാതികള്‍ സങ്കടങ്ങള്‍ .
കഴിയുന്നില്ലെനിക്കു അകന്നിരിക്കാന്‍...
പിണങ്ങിപ്പിരിയാന്‍ ആവുന്നില്ലായല്ലോ
ഒരു മാത്രയെങ്ങാനും ഇടറിയോരെന്‍
നെഞ്ചിന്‍ തുടിപ്പുകള്‍ നീയറിഞ്ഞോ ..? 
എപ്പോഴുമിങ്ങനെ വലക്കുന്നതെന്തേ
എന്റെ സ്വപ്നങ്ങളെ നോവിക്കുവതെന്തേ ..?
പിന്നിലൂടെ വന്നെന്‍ കണ്ണു പൊത്തുമ്പോള്‍
നിന്‍ തൃക്കൈ നനഞ്ഞുവോ കണ്ണാ ..?
പൊറുക്ക നീ.. അതൊരു കരടു വീണുവല്ലോ
എന്തായെന്നറിയില്ലാ കണ്ണാ എപ്പോഴുമിങ്ങനെ
കണ്ണില്‍ കരടു വീണു വെള്ളം തുളുമ്പുന്നല്ലോ !
ഇപ്പോഴെനിക്കെല്ലാം ശീലമായി കണ്ണാ ...
എങ്കിലുമെപ്പോഴുമെന്തേ നീ കണ്ണാ ..
എന്‍ കണ്ണിലേക്കി പൊടിയൂതി വിടുന്നു ...?
എല്ലാര്‍ക്കും സ്വന്തമാം നിന്നെ എന്റേതു
മാത്രമായ് മോഹിച്ചതോയെന്റെ തെറ്റ് ..?

No comments:

Post a Comment