വരുന്നോ?

വരുന്നോ.. ?
നീറ്റി നീറ്റി കാച്ചിക്കുറുക്കിയ ചന്ദനതൈലം തരാം..
കാണുമോ ..?
വ്യഥ മറന്നു സ്നേഹം തുടിക്കുന്നോരെന്‍ മനസ്സ്..
കേള്‍ക്കുമോ ..?
ബധിരത കടം കൊണ്ട കാതുകളില്‍ വീഴും പാഴ് സംഗീതത്തെ ..
അറിയുമോ..?
നിശാ ശലഭങ്ങള്‍ മുട്ട വിരിയിക്കുമാ ഇലച്ചാര്‍ത്തുകളെ ..
രുചിക്കുമോ..?
സ്നേഹത്താല്‍ ചൊരിഞ്ഞോരാ രക്തത്തുള്ളികളെ..
ഒടുവിലായ് ..
നീട്ടുക നിന്‍ കൈകളെന്നിലേക്ക് ..
ഇനിയൊരു ചുഴികളും ചതുപ്പുനിലങ്ങളും എനിക്ക് ചതിക്കുഴികളൊരുക്കാതിരിക്കട്ടെ !