ലില്ലിത്

ലില്ലിത് .....!
മരണത്തിന്റെ ദേവതയാണവൾ
ഭൂമിയിലെ ആദ്യത്തെ പെണ്ണ് 
ലോകത്തിലെ ആദ്യ സ്ത്രീത്വവാദി
പിഞ്ചു കുഞ്ഞുങ്ങളെ ഭക്ഷിക്കുന്നവൾ
ആദമിനെ സൃഷ്ടിച്ച അതേ പൊടിയിൽ നിന്നു
ദൈവമവളെയും സൃഷ്ടിച്ചുവെന്ന
ഒരൊറ്റ കാരണത്താൽ തുല്യത
അവകാശമെന്ന് വാദിച്ചു പോയവൾ
പിറകെ തേടി വന്ന മാലാഖമാരോട്
നിങ്ങൾ മൂന്നുപേരുടെ നാമം
ചൊല്ലുന്ന ഗൃഹത്തിലെ പിഞ്ചു കുഞ്ഞുങ്ങളെ
വെറുതെ വിടുമെന്ന വാഗ്ദാനമേകിയവൾ
സമത്വത്തിനായി ദൈവത്തെ വെല്ലുവിളിച്ചവൾ
ആദമിനെഅനുസരിക്കേണ്ട ബാധ്യതയില്ലെന്ന്
തുറന്നു പറഞ്ഞു ഏദൻതോട്ടം വിട്ടവൾ
ലോകത്തോടാകെ പകയുള്ളവൾ
മരണത്തിന്റെ ദേവതയെന്നു ജൂത ലോകം
നാടോടി പാട്ടുകളിൽ പറഞ്ഞു പേടിക്കുന്നവൾ
അവൾ ലില്ലിത് .. ആദ്യ പെണ്ണ് ..സ്ത്രീത്വ വാദി..
ബൈബിളിൽ പറയപ്പെടാതെ പോയവൾ !
ലില്ലിത് ...!