അമ്മ

അമ്മ 
-------------
ഞാൻ ഒരമ്മയാണ് 
ആകുലതകളുള്ളോരമ്മ 
മക്കൾ തൻ ഭാവിയിൽ
വ്യാകുലതകളുള്ളോരമ്മ

മക്കൾക്കു നേർവഴിയും
നല്ല ഭാവിയും ലഭ്യമാവാൻ
പ്രാർത്ഥനകളോടിരിക്കുന്നോരമ്മ
പുറംലോകത്തേക്കിറങ്ങുന്നവർ
വീട്ടിൽ തിരികെയെത്തും വരെ
ആധി പൂണ്ടിരിക്കുന്നോരമ്മ
"we r grown up mum " എന്നു ചൊല്ലും
വലിയ മക്കളുള്ളോരമ്മയെങ്കിലും
മക്കൾക്കെത്ര മക്കളുണ്ടായാലും
മക്കളെന്നും അമ്മയ്ക്കു മക്കൾ
തന്നെ എന്നു ചിന്തിക്കുന്നോരമ്മ
അതെ... ഞാനിന്നും അമ്മയാണ്
അമ്മയേക്കാൾ പൊക്കമുള്ള മക്കളമ്മയെ
കുഞ്ഞാക്കുന്നതു കണ്ടു രസിക്കുന്നോരമ്മ !
================================