കണ്ടുമുട്ടല്‍

ഇവിടെ വച്ചാണ് നമ്മൾ അവസാനം കണ്ടത് .
യാത്ര പറയുമ്പോൾ ഒന്ന് വിതുംബിയിരുന്നു 
ഞാനും നീയും ! 
ഇപ്പോൾ ഇത്രയും വർഷങ്ങൾക്കു ശേഷം 
അതേ ഇടം, അതേ സമയം ... ഞാൻ നിന്നെ 
കാത്തിരിക്കുന്നു ഇവിടെ !
25 വർഷങ്ങൾ... ഞാൻ മാറി , നീയും !
മാറ്റമില്ലാത്തത് എന്റെയും നിന്റെയും
സ്നേഹത്തിനു മാത്രം !
നിന്റെ നുണക്കുഴിയും , എന്റെ ചിരിയും
നമ്മുടെ കൂട്ടുകാർക്കിടയിൽ എന്നും
ചർച്ചാവിഷയം ആയിരുന്നു !
നമ്മുടെ സൗഹൃദം ആരെയും അസൂയപ്പെടുത്തുന്നതും
നമ്മെപ്പോലെ നാം മാത്രം എന്നൊരു അഹങ്കാരം
കൂടി നമുക്കുണ്ടാരുന്നു !
അതാ നീ വരുന്നത് എനിക്ക് കാണാം ...
നിന്റെ ആ ചുരുണ്ട മുടിക്കും മാറ്റമില്ല
നിന്റെ കണ്ണുകൾ എന്നെ തേടുന്നതും കാണുന്നു...!