മുറിവുകള്‍

നീ.... ഇടയ്ക്ക് വരും ചോര വാർന്ന
എന്റെ മുറിവുകൾ ഉണങ്ങും മുന്നേ
എന്നിട്ട് എന്നിലേക്ക്‌ വീണ്ടും നിന്റെ
സ്നേഹത്തിൻ കത്തി കൊണ്ട് കുത്തും
വീണ്ടും ചോരയൊലിക്കാൻ തുടങ്ങുമ്പോൾ
കുത്തുകളിട്ട് പോകും വീണ്ടും വരാൻ...
ഞാനോ... തിരിച്ചു കിട്ടുമെന്നൊരു പ്രതീക്ഷ
പോലുമില്ലാതെ ,എന്നില്‍ നിന്ന് നിന്നിലെക്കൊഴുകുന്ന
എന്റെ മനം നിറഞ്ഞ ചിരിയാണ് നിന്നോടുള്ള സ്നേഹം
എന്റെ കണ്ണിൽ നിന്നോടുള്ള സ്നേഹത്തിൻ തിളക്കമുണ്ട്
അതാണെനിക്ക് നിനക്കായി കരുതി വയ്ക്കാനുള്ളതും !
അന്ത്യം വരെ നമുക്കിത് തുടർന്ന് പോകാം .