Tuesday 27 August 2013

ഒരു മരണം



ഇന്നത്തെ ഒരു മരണത്തെ കാറ്ററിയിച്ചത്
കുന്തിരിക്കം പുകയിലൂടെ !
ശബ്ദം അറിയിച്ചത് സമയമാം രഥത്തിൽ
അലമുറകളോടൊപ്പം !
വീഥികൾ നിറയെ വാഹനങ്ങളായും ആളുകൾ
കൂട്ടം കൂടിയും മരണം അറിയിച്ചു കൊണ്ടേയിരുന്നു
പ്രകൃതിയും കരയുന്നുണ്ടായിരുന്നു ആവുംപോലെ
പ്രിയമുള്ളോരാളാണോ എന്ന് മാത്രേ അറിയേണ്ടതുള്ളൂ
അല്ലായെങ്കിൽ പതിവുപോലെ തിരക്കുകളിലേക്കെന്ന
നിസ്സംഗത എന്നുള്ളിലും വളരുന്നെന്നെത്തെയും പോൽ !

No comments:

Post a Comment