ശംഭോ മഹാദേവാ ...!

നിന്റെ പ്രണയമാം മുക്കണ്ണു തുറക്കൂ പ്രിയനേ ,
അതിലെന്റെ അഹംഭാവം ഭസ്മീകരിക്കൂ ...!
അഹംബോധം വെടിഞ്ഞെന്റെയുള്ളിൽ നിൻ
രൂപം ഉഷസ്സായി നിറയാനനുഗ്രഹിക്കൂ ..
തിങ്കൾ കലാധരായെന്നിൽ കൃപ ചൊരിയൂ !
നീ നീയെന്നും , ഞാൻ ഞാനെന്നും തോന്നിടാതെ
നമ്മളൊന്നെന്ന ഭാവമുള്ളിൽ തോന്നീടെണം
എന്നെ നിനക്കായി അർപ്പീച്ചീടുവാൻ ദേവാ ..
നിൻ ദേഹവും ചൈതന്യവും സ്വാംശീകരിക്കൂ
ഒരൊറ്റ ഉടലുമൊരാത്മാവുമായി ചേർന്നിരിക്കൂ ..
നരനാരീ തുല്യത വെളിവാക്കുവാനായി
ശിവശക്തിസംഗമം പൂർണമാക്കൂ ...
അർദ്ധനാരീശ്വര സങ്കൽപം സത്യമാക്കൂ ..!