മൌന സംവാദങ്ങള്‍

ഒരു വിരൽത്തുമ്പിനപ്പുറമെന്നെ കാണും 

നീയുണ്ടെന്നുള്ളോരറിവെനിക്കുണ്ട് ..

ഒരു പച്ചയ്ക്കുള്ളിൽ നിന്റെ സാമീപ്യം 

എന്നിൽ വന്നു ചേരുന്നതും കാണുന്നുണ്ട് .

മിണ്ടുന്നില്ലേലും എനിക്കായി നീട്ടപ്പെടുന്ന 

നിൻ സ്നേഹത്തിൻ മിഴിമുനകളറിയുന്നുണ്ട് 

കറകളഞ്ഞ സ്നേഹസംവാദങ്ങൾ നമ്മിൽ 

മൌനമായ് നിറയുന്നത് നീയറിയുന്നുണ്ടോ..?

എന്നിൽ നിന്ന് നിന്നിലേക്കും , മറിച്ചെന്നിലെക്കും   

പ്രവഹിക്കും സൌഹൃദ തന്ത്രികളിലുണരും

ഗാനവീചികളെ നീ തിരിച്ചറിയുന്നോയെന്നെപ്പോലെ ..?