എന്റെ വീട്

എന്റെ വീടിനു ജനാലകൾ ഇല്ലായിരുന്നുവാതിലുകളും ഇല്ലായിരുന്നു അകത്തേക്കും പുറത്തേക്കും കടക്കാൻ ഒരു ഉമ്മറപ്പടി മാത്രം. മേല്ക്കൂര എന്ന് പറയാൻ എന്റെ അഹന്തയുടെ ഓല കെട്ടി മേഞ്ഞ ഒരു പുറം പാളി മാത്രം .മറ്റുള്ളവരുടെ വേദനകളും, ശാപങ്ങളും മാത്രമല്ല...മഴയായി പെയ്യുന്ന ഇഷ്ടങ്ങളും . സ്നേഹങ്ങളും ,വെറുപ്പുകളും, നാവുദോഷങ്ങളും , ദൃഷ്ടി ദോഷങ്ങളും , എല്ലാം ആ മേൽക്കൂര താങ്ങിയിരുന്നു .ഒരു ഗുഹ പോലെ തോന്നിക്കുന്ന എന്റെ ആ മാളത്തിലിരുന്നു ഞാൻ അഹങ്കരിച്ചു വലുതായ ഒരു ലോകം ആ ചെറുമാളത്തിൽ ഉണ്ടാക്കിയെടുത്ത ഞാൻ ഏറ്റവും വലിയ വിഡ്ഢിയെന്നു തിരിച്ചറിഞ്ഞു ഇപ്പോൾ. ഇപ്പോൾ മാത്രം എന്റെ വീടിനു വാതിലുകളും, ജനാലകളും വേണമെന്ന് തോന്നി തുടങ്ങി .എന്തിനെന്നാൽ എല്ലാം അടച്ചിട്ടു സമാധി നല്കാൻ ...!