സ്വാതന്ത്ര്യം
-------------------
സ്വാതന്ത്ര്യം ... എന്താണതെന്നമ്മയോടുണ്ണി
ഞാനും തേടുന്നതു തന്നെ മകനെയെന്നമ്മ
അന്വേഷിക്ക് അറിവാണ് സ്വാതന്ത്ര്യമെന്നച്ഛൻ
ഊന്നുവടി വേണ്ടാതാകും കാലമാണ് സ്വാതന്ത്ര്യമെന്ന് മുത്തശ്ശൻ
ഉണ്ണീ , നീ തൻ കാലിൽ നില്ക്കും നേരം നിനക്കും സ്വാതന്ത്ര്യമെന്ന്
കാലിൽ ചങ്ങലയോടെ പാരതന്ത്ര്യത്തിൽ ചെറിയച്ഛൻ
എന്നിട്ടുമെന്താണ് സ്വാതന്ത്ര്യമെന്ന് ഉണ്ണി ചോദിച്ചു കൊണ്ടേയിരുന്നു
ചോദ്യമിന്നും തുടരുന്നു നിർബാധം ഈ സ്വാതന്ത്ര്യ ദിനത്തിൽ പോലും !
No comments:
Post a Comment